Прэзідэнту Беларусі Аляксандру Лукашэнку прадэманстравалі «Еўразійскі электробус» на выставе тэхнікі ў рамках працоўнага візіту на вытворчасць аўтамабіляў у Барысаўскім раёне.
Кіраўніку дзяржавы даклалі пра развіццё аўтамабілебудавання і электратранспарту, бягучую працу і перспектывы развіцця. Прэзідэнт агледзеў выставу з узорамі аўтамабіляў, электратранспартам вытворчасці прадпрыемстваў Міністэрства прамысловасці і НАН Беларусі.
Праект «Еўразійскі электробус» рэалізаваны на аснове мадэлі Е321 серыі Olgerd вытворчасці BKM Holding.
Узровень лакалізацыі ў краінах ЕАЭС – каля 80% (батарэя, цягавы прывод, ператворнікі, гідрастанцыя, пантограф, CAN-вузлы ўласнай вытворчасці BKM Holding).
Пасажыраёмістасць – 86 чалавек, колькасць месцаў для сядні – 30. Час зарадкі ад 20% да 90% пры току 450А – не больш за 25 хвілін. Прабег на адным зарадзе – 70 км. Маса 18 т, даўжыня 12,5 м. Машына абсталявана мультымедыйнай сістэмай, WI-FI, USB, ABS, сістэмамі відэаназірання, уліку пасажыраплыні, пажаратушэння, навігацыі і кантролю ціску ў шынах.
Праект прамысловай кааперацыі «Еўразійскі электробус» быў ініцыяваны з мэтай узмацнення індустрыйнага развіцця краін ЕАЭС, скарачэння сыравіннага экспарту, а таксама ўмацаванні тэхналагічнага суверэнітэту. Экспанат быў упершыню прэзентаваны на форуме ў Сочы ў чэрвені 2023 года. У снежні Рада Еўразійскай эканамічнай камісіі ўхваліла распрацоўку праекта Міждзяржаўнай праграмы.
Фота: president.gov.by
